Gaixorik dauden edo desgaitasuna duten pertsonentzako boto irisgarria

• Botoa ematera lagunduko dizun pertsona baten laguntza izan dezakezu, bozkatzeko gutun-azala hauteskunde-mahaira eraman ahal izateko.
• Hauteslekura eramaten zaituen doako garraio-zerbitzua eska dezakezu.
• Braille boto-kita eska dezakezu % 33ko edo gehiagoko ikusmen-desgaitasuna baduzu edo ONCEko kide bazara.

Gaixotasun edo ezintasunen bat baduzu, eta horrek posta-bulego batera joatea eragozten badizu eskaera egiteko eta botoa posta bidez bidaltzeko, notario-baimena eman diezaiokezu doan beste pertsona bati, zure izenean egin dezan.

Braille sistema ezagutzen baduzu, eta % 33ko ikusmen-desgaitasuna edo handiagoa baduzu, edo ONCEn afiliatuta bazaude, botoa prestatzeko materiala duen kit bat eska dezakezu, braille-jarraibideak barne. Kit hori etxean jaso dezakezu, edo hauteskunde-mahaian bertan jaso.

Eusko Legebiltzarrerako hauteskundeetarako deia egiten denean, kita nola eta noiz eska daitekeen azaltzen da.

Kita maleta bat da. Maleta horretan, hautagaitza guztien boto-txartelak daude, bozketari buruzkoak, bai eta dokumentazio osagarria ere, braillez, pertsona botoa prestatzen gidatzeko.