Espetxeratuta daudenen botoa
Honako baldintza hauek betetzen dituztenek erabil dezakete posta bidezko botoa:
- Espetxeratuta egotea, hauteskundeetarako deia egiten denetik hauteskundeak egin arte.
- Sufragio aktiborako eskubidea kenduta ez izatea.
- Euskadiko udalerri bateko egoiliarren hautesle-erroldan agertzea.
- Espetxeko Zuzendaritzak botoa eskatzeko inprimakiak zentrora eramateko eskatzen dio Sociedad Estatal Correos y Telégrafos, S.A., S.M.E.-i.
- Botoa emateko eskubidea baliatu nahi duten presoek botoa eskatzeko inprimakia beteko dute.
- Inprimakiak Sociedad Estatal Correos y Telégrafos, S.A., S.M.E.-eko langileei ematen zaizkie hautesleak NANaren, pasaportearen, gidabaimenaren edo nortasun-agiriaren bidez identifikatu ondoren, betiere dokumentuan argazkia agertzen bada.
Hautesle Erroldaren Bulegoaren Probintzia Ordezkaritzak posta-bulegora bidaliko ditu gutun-azalak, boto-paperak eta erroldako inskripzio-ziurtagiria. Posta-langileak espetxera joaten dira, eta hautesleari pertsonalki ematen diote dokumentazioa, posta bidez bozkatu ahal izateko.
Hauteslearen eginbeharrak dokumentazioa jaso ondoren:
- Hautagai-zerrendaren boto-papera aukeratu (boto zuria ematen badu izan ezik).
- Sartu boto-papera bozkatzeko gutun-azalean (boto zuria ematen badu izan ezik).
- Hauteskunde mahaiburuari zuzendutako gutun-azalean honako hau sartu:
- Bozkatzeko gutun-azala.
- Erroldako inskripzio-ziurtagiria
- Posta-zerbitzuko funtzionarioei mahaiburuari zuzendutako gutun-azala eman, eta horiek hauteskunde-mahaira bidaliko dute.
Hauteskunde-egunean, bozketa-ordutegian zehar, posta-zerbitzuak hauteskunde-mahaietara eramaten ditu jasotako posta bidezko boto-bidalketak. Bozketa amaitu eta gero, eta boto-kontaketa egin baino lehen, mahaiak mahaiburuari zuzendutako gutun-azal bakoitza irekiko du, errolda-ziurtagiriaren bidez hauteslea identifikatuko du eta bozketako gutun-azala hautestontzian sartuko du.